Makalu

Amfanin man zaitun guda 5 ga lafiyar jikin ɗan Adam

  • Al'umma da dama ne suka jima suna amfani da man zaitun a ƙasashe ko yankunan da suke kewaye da kogin Mediterranean, a abinci  da kuma wasu cututtuka da ke addabar jikinsu.

    Bincike da ake gudanarwa yanzu ya taimaka wajen bankaɗo wasu daga cikin ababe masu muhimmanci da ke ƙunshe cikin man zaitun ɗin waɗanda suka sanya ya zamo mai amfani ga lafiyarmu. Bayan amfani da man ke yi a abinci a gidaje daban-daban, to rashin samun wasu ababe cikinsa kamar: gluten, da trans fat da kuma cholesterol ya sanya shi ya zama abin dogaro wajen magance wasu cututtuka da suke addabar lafiyarmu. Dangane da haka ne muka yi ƙoƙari wajen tantancewa da zaƙulo wasu muhimmai daga cikin amfanin man zaitun ɗin guda biyar (5) kamar yadda za ku gani a kasa.

    1. Kariya daga kamuwa da cutar daji (cancer).

    Cutar daji (Cancer) na ɗaya daga cikin manyan cututtuka da suka watsu suke yi wa al’umma illa, a faɗin duniyar nan. Kamar yadda binciken wata ƙungiyar masana kimiyya na Turawan Spaniya Spains ya nuna a kan man zaitun, masanan sun nuna cewa, man ɗin na ɗauke da wani sinadari da ake kira ‘antioxidants’ wanda yake rage ko kawar da abin da ke kawo cutar daji, wanda zai sa jiki ya sakata.

    Haka kuma man zaitun na ɗauke da sinadarin oleic acid wanda ke taimakawa wajen rage ƙiba ko ƙona kitse a jiki, kana ya yaƙi watsuwar tumours wanda ke haifar da cutar Nono (breast cancer).

    Kuna iya karanta wannan makala ma: Takaitaccen bayani game da amfanin man zaitun

    An kuma yi amanna da wasu sinadaran da ke cikin antioxidants a man zaitun waɗanda suke taimakawa wajen watsuwar malignant melanoma a fatar jikin ɗan Adam. Sannan man zaitun na iya taimakawa wajen kare sake kamuwar waɗanda suka taɓa jinyar cutar daji (former cancer patients). Haka kuma man zaitun na ɗauke da sinadarin lignan da squalene waɗanda su ma suna taimakawa wajen kare jiki daga kamuwa da cutar daji (cancer).

    2. Yana taimakawa wajen magance ciwon suga (diabetes)

    Man zaitun na magance ciwon suga, kamar yadda bincike da aka wallafa ya nuna a wata mujalla ta cibiyar kula da cutar hawan jini (Diabetes Care Journal) man zaitun na taimaka wa al’umma da suke kewaye da Mediterranean, a irin nau’in abincin da suke ci wajen kare su daga hanyar kamuwa da nau’in cutar daji na biyu (type 2 diabetes) da kashi hamsi (50%). A lokacin da aka yi amfani da cokali 2 kacal na man zaitun ɗin, sannan ya sanya kuzari ga sinadarin da ke rage yawan sikari a jiki (insulin).

    Domin samun ingantaccen lafiya, masana ƙwararru a fannin yaƙi da cutar suga sun ƙarfafa a ci abinci da ke taimaka wa jiki daga 'ya'yan itatuwa kamar, soluble fibre, vegetables, da kuma man zaitun wanda ke ɗauke da sinadarin da ke taimakawa wajen rage ƙiba ko ƙona kitse a jiki mono-saturated fats. Haka kuma, ga waɗanda suka karanta wannan makala za su fahinci yadda al’umma da suke kewaye da Mediterranean, suka fa’idantu da man zaitun wajen inganta lafiyar jikinsu.

    3. Man zaitun na taimakawa wajen ƙona kitse a jiki

    Man zaitun shi kansa wani sinadari ne a abinci wanda yake taimakawa wajen inganta abin da ke ƙona kitse a jiki, da kuma jin rashin sha’awar cin abinci. To amma amfani da man zaitun ɗin na sanya sha’awar cin abinci. Haka kuma man zaitun na taimakawa wajen narkar da abinci, sannan yana taimakawa wajen rike abin da aka ci don rage yawan ciye-ciyen abin da za su sa ƙiba sannan ya daidaita nauyin mutum.

    A wani bincike da masana kimiyya a Spaniya (Spanish scientists) suka gudanar a Jami’ar Navarra da Las Palmas de Gran Canaria na ƙasar na Spain sun gano cewa, man zaitun na taimakawa wajen kiyaye kamuwa da cutar taɓin hankali da ke shafar ƙwaƙwalwa kamar wadda baƙin ciki ke haifarwa, tare da ƙone kitse, domin kitse ya kasance jigo na wani ɓangaren ƙwayar halitta wanda kwakwalwa na ɗauke da kashi 60%.

    Mai karatu na iya duba wannan makala:  Abinci kalar biyar dake kara kaifin kwakwalwa

    Har ila yau, man zaitun na taimakawa wajen kiyaye wasu sassan jijiyoyin jiki. Haka kuma wasu masu bicike a ƙasar Faransa sun gudanar da bincike da suka gano cewa man zaitun na da matuƙar amfani wajen ƙara kaifin basira. Sannan abin da sakamakon binciken ya nuna shi ne, amfani da man zaitun zai taimaka wajen warware harshe da washe maganai (ido) musamman ma ga tsofaffi da suke amfani da man ɗin a kai a kai (lokaci). Sannan man zaitun na taimakawa wajen rage ƙiba musamman ma ga yara 'yan shekaru 13-19 (teenagers.)

    4. Gyaran jiki da gashi

    Matuƙar kana fama da matsalar zubar gashi da lalacewarsa, yawaita amfani da man zaitun, saboda Vitamin da kuma sinadaran antioxidants da ke cikinsa waɗanda suke taimakawa wajen haɓaka sumar kai da ingantashi, sannan ya kare shi daga zubewa nan gaba. Haka kuma man zaitun na samar da sinadarin Vitamin A da Vitamin E waɗanda dukkaninsu ingantattu ne wajen gyara lafiyar fata ta zama sumul ta yi laushi. Sannan sinadarin antioxidants da ke cikin man zaitun ɗin na taimakawa wajen inganta lafiyar tsohon fata ya maida shi tamfar na sabo.

    5. Magance ciwon zuciya

    Bincike da dama da manazarta suka gudanar sun tabbatar da cewa yawaita amfani da man zaitun na rage bugun jini a zuciya, saboda sinadaran da ke cikin man zaitun na tocopherol, polyphenols da kuma wasu sinadaran waɗanda suke taimaka wa zuciya ya numfasa. Kamar yadda bncike da wasu masana kimiyya a Spaniya (Spanish scientists) suka gudanar sun nuna yawanta amfani da manzaituna na taimakawa wajen daidaita numfashi ga tsofaffin mutane. Haka kuma man zaitun a jiki yana rage yawan cholesterol a jikin manyan mutane (tsofaffi) tare da ƙara kare lafiyar jikinsu.

    Waɗannan su ne kaɗan daga cikin amfanin man zaitun ga lafiyar jiki, ko kuma ta ɓangaren abinci ko abin da ya shafi lafiyar jiki. Man zaitun zai taimaka maka wajen inganta rayuwarka.

    Allah Ya bada lafiya. Kuna iya karin bayani ida akwai wani amfani na man zaitun din da kuka sani don sauran masu karatu su amfana da shi.

    Kana kuna iya duba wannan sabuwar makalar kiwon lafiya: Magani da wasu alfanun ganyen Bi-ni-da-zuga (Jatropha Curcas)

Comments

MAKALU DA DUMI-DUMIN SU

  • Yawaitar binciken wayar miji: Dacewa ko rashin dacewa?

    Posted Jul 31

    A wannan zamani matsalolin da suke cikin aure musamman anan Arewacin Najeriya abin ba a cewa komai idan muka lura da ire-iren labarai da suke yawo yau da kullum a kafofin sada zumunta, wato social media. Duk lokacin da ka shiga social media idan yau baka ga labarin wata...

  • Takaitaccen bayani game da gravitational field

    Posted Jul 27

    A physics, gravitational field model ne da ake amfani da shi wajan bayanin tasirin da massive body ya ke da shi wajan zuwa sararin samaniya around itself producing a force on another body. Gravitational force of attraction da ke tsakanin body guda biyu ana governing din...

  • Sakamakon bincike game da matsalar shaye-shayen miyagun kwayoyi a Najeriya

    Posted Jul 24

    Matsalar shaye-shayen miyagun gwayoyi matsala ce da kusan kowa da kowa na iya tabbarwa akwai shi a cikin al’umma musamman mu a Najeriya. Idan wani baya sha a gidanku, ko cikin danginku to kuwa lallai ba za a rasa masu yi ba a unguwarku ba. To amma duk da haka a ku...

  • Matsalar shaye-shaye a tsakanin matasanmu a yau

    Posted Jul 6

    A wannan Makala za muyi dubi ne zuw ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a n...

  • Kin yi ta saurare ki ji ya turo manyansa zuwa gidanku amma har yanzu shiru: Ga dalilai

    Posted Jun 29

    Mata mu kan fada cikin yanayi na yaudara cikin sauri ba tare da mun farga ba. Musamman idan namiji ya zo da batun auren ki zan yi, mu kan mika duk wata ragamar rayuwar mu a gare shi, muna masu amanna da mika wuya dari bisa dari.  Sam bama hangen da mi yazo a lokac...

View All