Makalu

Gasar cika shekara daya da kaddamar da BAKANDAMIYA

  • A ranar daya ga watan Yuli (1st July) ne BAKANDAMIYA ke cika shekara daya da kaddamarwa. Don haka muka shirya gasa wa mambobinmu don samun kayatattun kyautuka na WAYOYIN ZAMANI har guda uku.

     

    Menene gasar?

     

    Ana bukatar mamba ya rubuta Makala (article) bisa abin da ya sani ko ya fahimta a kan BAKANDAMIYA.COM, kama daga manufofinta, da siffofinta zuwa abubuwan da mamba zai iya yi a kanta da kuma yadda za ta amfani mamba da sauran al’umma baki daya.

     

    Ka’idojin gasar

     

    1. Dole mutum ya kasance mamba a dandalin BAKANDAMIYA.COM, watau ya kasance ya yi rajista. (Kowa na iya yin rajista idan ya ziyarci adireshinmu na yanar gizo a bakandamiya.com)
    2. Makalar kada ta gaza kalmomi 800, kuma kada ta wuce kalmomi 1000.
    3. Makala mai kyau ita ce wacce za ta fara gabatar da Bakandamiya da kuma manufofinta, kana ta kawo siffofinta da yadda mamba zai yi amfani da su wajen samun fa’ida da ya dace da taken BAKANDAMIYA mai cewa: “DANDALIN MUSAYAR BASIRA, SADA ZUMUNCI DA KASUWANCI.” Kuma makalar ta kasance cikin kyakkyawa kuma tsabtaceccen rubutu mai gamsarwa.
    4. Idan mutum ya kammala rubuta makalarsa, sai ya shiga BAKANDAMIYA ya aiko da makalar a matsayin wasika zuwa ga Account na BAKANDAMIYA. Yadda mutum zai yi shine:
      1. Sai ya je “Wasiku” a menu na waya, ko kuma alamun wasika a menu na Komputa
      2. Sai a danna “Compose”
      3. A wurin saka sunan aboki, sai a rubuta sunan BAKANDAMIYA. Ana fara rubutawa, sunan zai fito, sai kawai mutum ya zaba.
      4. A wurin “Subject,” sai a rubuta “GASAR CIKON SHEKARA NA BAKANDAMIYA.”
      5. Daga karshe, wajen “Message body” sai a rubuta makalar gasar. In an kamala sai a dannan alamun wasika a aiko.
      6. Mutum ya tabbatar BAKANDAMIYA ya aiko wa da makalar gasarsa. Idan muka samu makalarku za mu muku reply cewa mun samu a kalla cikin awa 24.
      7. Aiko da makalar ta hanyar amfani da komputa zai fi sauki. Amma wayar zamani ma zai iya yi.
    5. Za ku iya fara aiko da makalarku daga ranar Asabar 1st JULY, 2017
    6. Za a rufe karbar makalun gasa a ranar Litinin 31st July, 2017
    7. Za a kuma sanar da wadanda suka ci gasar a ranar Talata 15th August 2017
    8. Kowa na iya shiga gasar matukar mamba ne a BAKANDAMIYA, amma banda MA'AIKATAN BAKANDAMIYA.

     

    Wayoyin da za a ci a gasar

     

    Mutane uku da suka yi nasar lashe gasar za su samu kyautan sababbin wayoyin zamani na TECHNO kamar haka:

    • Na farko - TECNO L8 Lite
    • Na biyu – TECHNO W3
    • Na uku - TECHNO W2

    Sai mun ga makalunku. Allah ya baiwa mai rabo sa’a.

Comments

Makalu da Dumi-duminsu

  • Hanyoyi guda biyar na rage ƙiba ba tare da an shiga hatsari ba

    Posted Jun 12

    A duniyarmu ta yau, ƙiba na daya daga cikin matsalolin da ke addabar mutane da dama. Saboda irin ci gaba da aka samu na yawaitar abinci kala-kala – abincin gargajiya da na zamani, na gwangwani da na gona – ya sa da yawa mutane na yawaita cin abincin da zai k...

  • Sharudda da kuma ladubbar sallar idi karama

    Posted Jun 3

    Godiya ta tabbata ga Allah Ubangijin talikai, tsira da amincin Allah su tabbata ga Annabi Muhammad, da iyalansa da Sahabbansa baki daya. Idi shine duk abinda yake dawowa yana maimaituwa lokaci zuwa lokaci, kamar sati-sati, ko wata-wata, ko shekara-shekara. Shar'anta s...

  • Hukunce-hukuncen zakkar fidda kai

    Posted May 31

    Ma'anar zakkar fidda kai: Sadaka ce wacce ake bayar da ita sakamakon kammala azumin watan Ramadan. An shar'anta zakkar ne a shekara ta biyu bayan hijirar Annabi sallallahu alaihi wa sallam daga Makkah zuwa Madinah, a shekarar da aka wajabta azumin watan Ramadan. Huku...

  • Yadda ake hada local jollof rice

    Posted May 30

    Assalamu alaikum barka da saduwa a fannin girke-girkenmu na Bakandamiya. Barka da shan ruwa. Yau zamu koyi yadda ake hada local jollof rice wato dafa dukan shinkafa ke nan da Hausa. Abubuwan hadawa Shinkafa Tattasai da tarugu Daddawa Albasa Seasoning Manja Ta...

  • Yadda ake hada bitter leaf soup

    Posted May 30

    Assalamu alaikum, barka da saduwa a fannin girke-girkenmu na Bakandamiya na yau. Barka da shan ruwa. A yau zamu duba yadda za ki hada bitter leaf soup (miyan shuwaka). Abubuwan hadawa Manja Nama Seasoning Garlic  Ginger Shuwaka (bitter leaf) Tattasai Ta...

View All