Makalu

Rashin kulawa da tarbiyyar da namiji ba ya gyara na 'ya mace

  • Kamar yadda kowa yasani tarbiyya tana farawa daga gida ne, musamman daga mahaifiya sannan kuma jigo mahaifi. Malaman makaranta da al'umma unguwa ko gari na taka babbar rawa a tarbiyyantar da yara. Sai dai kaico! A wannan zamanin an sama nakasu daga kowane bangare na tarbiyya, musamman TARBIYYAR DA NAMIJI, wanda shine a yau wannan makala tawa zata yi tsokaci a aki.  Mai karatu na iya duba rushe tarbiya ta duniyar yanar gizo.

    A wannan zamani, bisa dukkan alamu hankalin iyaye wajen kula da tarbiyar 'ya'yansu, kaso mai yawa, ya koma kan 'ya'ya mata wanda har ya janyo tabarbarewar tarbiyar 'ya'ya maza. Saboda wanna dalili sai ka ga wasu iyaye sun manta da wadanne irin abokanai dansu ke yawo ko zama da su; ba harkan abokai ba, kacokam sai su manta da irin halin da dansu ke ciki, musamman a lokacin da girma ya zo ma sa.

    Akwai abubuwa da dama a wannan zamani dake janyo rasa tarbiyyar da namiji:

    • Rashin kulawar mahaifi
    • Shagwaba yara ta hanyar kin nuna musu kuskurensu
    • Sangartasu tun suna yara ta yadda zai zama basu jin maganar mahaifiyarsu
    • Rashin sa ido ga iliminsu na addini
    • Rashin sanin irin makarantun da ake kaisu na ilimin boko

    Wadannan sune kadan daga cikin abubuwanda ke jawo rasa tarbiyyar da namiji.

    Tabbas tarbiyar da namiji na da wuya kuma yawanci ya rataya ne a wuyan mahaifinsa sakamakon mahaifiya koda yaushe tana gida, kuma idan yaro ya kai wani munzili dole zai zamana ya dan nisanta daga cikin gida. Maihaifi shi ke tare da shi a waje, kuma shi zai iya sanin halin da ya ke ciki a wajen. Har ila, shi yasa za ku ga da namiji yafi jin ko tsoron maganar mahaifinsa.

    Sau da dama, zaku ga iyaye maza din kuma saboda hidima na yau da kullum da ya yi musu yawa, sai kaga an samu nakasu wajen kulawa da yara.

    Jawo hankali

    Yana da muhimmanci iyaye maza su sani hakki ne a kansu da su sa ido ga yaransu ta kowani bangare ta yadda za su sami ingantaccen rayuwa, haka suma su zama iyaye nagari. Har ila yau, yana da kyau iyaye maza su kyautata dabi’unsu ta hanyar mu’amalarsu ta yau da kullum da iyayan yaran mata harma da mutanen gari, domin wasu yaran suna kallo yadda mahaifinsu ke zagin mahaifiyarsu haka suma ba za su taba ganin darajar matansu idan sun yi aure. Yaro har kullum yana koyi ne da abinda ya tashi ya gani ana yi a gidansu ko unguwarsu ko kuma garinsu.

    Daga karshe, zan so na kara jaddada cewa, lallai fa tarbiyar yaranmu ya rataya ne akanmu mahaifa, wajibe ne kuma amana ce Allah Ya dora mana, don haka dole mu dauke shi da muhimmanci. Idan yayanmu su ka yi kyau a'ummarmu baki daya zata gyaru. Kuma wajen kula dole mu kula da tarbiyar da na miji tamkar yadda muke kula da na mace. Dukkaninsu 'ya'yanmu ne kuma suna bukatar kulawarmu. Dubi shawarwari guda 8 don inganta tarbiyar yara.

Comments

MAKALU DA DUMI-DUMIN SU

  • Maɗigo da yawaitarsa cikin al’umma: Ina mafita?

    Posted Tue at 10:07 AM

    Tasowarmu muna kanana cikin alumma mun ga iyayenmu da sauran magabata suna da aure. Kowa da mahaifinsa da mahaifiyarsa. Hakanan kuma yayin da muke rayuwa mun ga ‘yan mata da samari daban-daban sun taso kuma mun ga sun yi aure. Kuma sannan sa’i da lokaci mutu...

  • Yawaitar binciken wayar miji: Dacewa ko rashin dacewa?

    Posted Jul 31

    A wannan zamani matsalolin da suke cikin aure musamman anan Arewacin Najeriya abin ba a cewa komai idan muka lura da ire-iren labarai da suke yawo yau da kullum a kafofin sada zumunta, wato social media. Duk lokacin da ka shiga social media idan yau baka ga labarin wata...

  • Takaitaccen bayani game da gravitational field

    Posted Jul 27

    A physics, gravitational field model ne da ake amfani da shi wajan bayanin tasirin da massive body ya ke da shi wajan zuwa sararin samaniya around itself producing a force on another body. Gravitational force of attraction da ke tsakanin body guda biyu ana governing din...

  • Sakamakon bincike game da matsalar shaye-shayen miyagun kwayoyi a Najeriya

    Posted Jul 24

    Matsalar shaye-shayen miyagun gwayoyi matsala ce da kusan kowa da kowa na iya tabbarwa akwai shi a cikin al’umma musamman mu a Najeriya. Idan wani baya sha a gidanku, ko cikin danginku to kuwa lallai ba za a rasa masu yi ba a unguwarku ba. To amma duk da haka a ku...

  • Matsalar shaye-shaye a tsakanin matasanmu a yau

    Posted Jul 6

    A wannan Makala za muyi dubi ne zuw ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a n...

View All