Makalu

Dabarun hana haihuwa da illolinsu

  • Akwai hanyoyi ko dabaru da dama da ake bi wajen hana haihuwa, daga ciki akwai:

    1. Kwayoyin magani na hana haihuwa
    2. Allurar hana haihuwa
    3. Zaren mahaifa
    4. Robar mata

    Kwayoyin magani na hana haihuwa (oral contraceptives pills)

    Wadannan kwayoyi ne wadanda ake amfani da su don hana haihuwa. Asalin irin wadannan kwayoyi suna yin tasiri ne ga maniyyin mace su hana su aiki. Daga cikin wadannan kwayoyi akwai wanda ake kira "ancullor," akwai "lyndiol," akwai kuma "liynovlor" da sauransu.

    Wannan dabara na hana haihuwa, likitoci sun bayyana yana yiwa mata illoli ta hanyar farar da al'ada ba a kan ka'ida ba. Watau ba sai lokacinta ya yi ba, ko ma haila ta ɗauke gabaɗaya. A wani lokaci ma amfani da su yakan hana haihuwa dungurungum.

    Allaurar hana haihuwa (projestine injection)

    Ita kuma wannan allura ce da akan yi don hana haihuwa. Daga cikin alluran da aka fi amfani da su don wannan aiki akwai kamar su "Depo-provera medroxy progestere Actate (DPMPA) da "Nokethindrone Enonthate (NET) da sauransu. Ita wannan allurar tana hana ciki ne ta wajen danne karfin kwayoyin maniyyi na mace. Tana kuma kade jikin mahaifa ta yadda ko da ba ta yi tasiri ba kwan maniyyin ba zai sami inda zai makale ba a mahaifa. Tana kuma tara majina mai kauri a hanyar da maniyyi kan wuce zuwa mahaifa, don kada ya samu wucewa.

    Ita ma wannan hanyar na da illoli kwarai. Bincike ya nuna cewa irin wadannan allurai da ake yi kan cutar da jariri idan aka yi su ga mace mai ciki. Za kuma su iya zama sanadin cutar 'cancer', wadda aka fi sani da ciwon sankara ta mahaifa ko ta nono. Akwai kuma cutukan da suka shafi zuciya da hanyoyin jini, irin su: toshewar hanyar jini wadda ka iya jawo ciwon zuciya (heart attack) da hauhawar jini (hypertension) da sauransu.

    Zaren mahaifa (Intra Uterine Devices (IUD)

    Ita ma wata hanyar ce ta hana haihuwa wadda Richter da Graefenberg suka kago a shekarar 1909. Wani zare ne na roba wanda akan sanya a mahaifa a bar shi sai zuwa wani dogon lokaci. Ba za a cire ba sai sanda matar ke son ta sake haihuwa. Wannan zare yana hana maniyyi kuzari ya kuma kashe kwayoyin maniyyi na mace da kwaroron da sukan bi zuwa mahaifa.

    Akwai tabbacin cewa zaren mahaifa na haifar da babbar matsala ga mace, domin yakan farar da yawan zubar da jini, wanda ka iya farar da rashin jini a jiki. Yana farar da bari 'miscarriage' da cutukan da suka shafi mara.

    Robar mata (diaphragms and cervical caps) 

    Ita kuma wata roba ce mai tattausan baki. Wani likita ne a kasar Jamus mai suna Ferick wilde ya kago shi a shekarar 1838. Ana sa wannan roba ne a cikin farji kafin saduwa. Ta yadda zai je ya toshe kofar mahaifa. Ana kuma shafa wani mai wa roban kafin a sa.

    Masana harkar dakatar da haihuwa sun nuna cewa amfani da robar mata kan haifar da wasu munanan cutuka. Misali; yana haifar da saukowar mahaifa, yana farar da cutuka da suka shafi mafitsara (cystitics), kamar yadda yakan farar da zafi a hanyar da fitsari kan bi (urethritis).

    Wadannan kadan kenan daga cikin dabarun da akan yi amfani da su don hana haihuwa. Ba a ma yi maganan riga ba, wato kororo roba (condoms), wanda maza kan sa a azzakarinsu da kumfa (foams) wanda mata kan sa. Akwai kuma hanyoyi da ake bi a dakatar da haihuwar gabadaya, wanda ake kira "STERILIZATION."

    Duk wadannan dabaru da muka ambata dabaru ne wadanda ilimin likitanci ya kago, wadanda imma dai su zama na sha, ko kuma na sanyawa da wani abu, ko ta hanyar allura. Wadannan dabarun Kenan.  

    A biyo mu a makala ta gaba za mu kawo wasu dabarun da kuma yadda suke yi wa mata har ma da maza illa. Mai karatu na iya karanta: Tsarin zaman iyali gandu na al'ummar Hausawa da sauransu.

Comments

MAKALU DA DUMI-DUMIN SU

  • Yawaitar binciken wayar miji: Dacewa ko rashin dacewa?

    Posted Jul 31

    A wannan zamani matsalolin da suke cikin aure musamman anan Arewacin Najeriya abin ba a cewa komai idan muka lura da ire-iren labarai da suke yawo yau da kullum a kafofin sada zumunta, wato social media. Duk lokacin da ka shiga social media idan yau baka ga labarin wata...

  • Takaitaccen bayani game da gravitational field

    Posted Jul 27

    A physics, gravitational field model ne da ake amfani da shi wajan bayanin tasirin da massive body ya ke da shi wajan zuwa sararin samaniya around itself producing a force on another body. Gravitational force of attraction da ke tsakanin body guda biyu ana governing din...

  • Sakamakon bincike game da matsalar shaye-shayen miyagun kwayoyi a Najeriya

    Posted Jul 24

    Matsalar shaye-shayen miyagun gwayoyi matsala ce da kusan kowa da kowa na iya tabbarwa akwai shi a cikin al’umma musamman mu a Najeriya. Idan wani baya sha a gidanku, ko cikin danginku to kuwa lallai ba za a rasa masu yi ba a unguwarku ba. To amma duk da haka a ku...

  • Matsalar shaye-shaye a tsakanin matasanmu a yau

    Posted Jul 6

    A wannan Makala za muyi dubi ne zuw ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a n...

  • Kin yi ta saurare ki ji ya turo manyansa zuwa gidanku amma har yanzu shiru: Ga dalilai

    Posted Jun 29

    Mata mu kan fada cikin yanayi na yaudara cikin sauri ba tare da mun farga ba. Musamman idan namiji ya zo da batun auren ki zan yi, mu kan mika duk wata ragamar rayuwar mu a gare shi, muna masu amanna da mika wuya dari bisa dari.  Sam bama hangen da mi yazo a lokac...

View All