Makalu

Abubuwan dake durkushe baiwa da basirar yara

  • Idan muka dubi kasashen Duniya da suka ci gaba, rayuwanrsu ta samo a saline daga taimakekeniya dake wanzuwa a tsaninsu. Masu baiwa da basira a cikinsu kan samu tallafi na shawarwari, kwarin gwaiwa, Karin ilimi, kudin ko kayan aiki.

    Idan muka, dawo sauran kasashen duniya kuma, muasamman kasata Nijeriya, ba a kallon baiwa ko basira a matsayin wani abin da zai kawo cigaba a cikin al’umma balle kasa baki daya.

    Hakan shi ya taimaka wajen janyo durkushewan duk wani da Allah ya yi wa baiwa da basira a kasata Najeriya. Hanyoyi da kasata ke  bi wajen dakulewar ire-iren wadannna mutane sun hada da:

    1.Mugunta da aiki da sihiri: kodayake, wasu al’umma basa kallon sihiri a matsayin wani abu da ke taka rawar gani wajen murkushe rayuwan masu basira, amma gaskiyar magana ita ce, sihiri gaskiya ce kuma wasu mutanen masu mugunta suna amfani da ita. Duk wani mugu yasan abu mai muhimmanci, don haka, sukan iya gane yaron da ya tashi ko aka haife shi da baiwa ko basira. Tsananin mugunta da suke da shi a zukatansu, kan basu damar yin shege-shege na sihiri don durkushe  kyauta da Allah ya masa.

    2. Karancin tallafi: wasu shugabanni a  a yau, al’ummarsu basa cikin tunaninsu. Don haka, basu da lokacin nazari ko mu’amala cikin jama’a balle su san irin tallafi da zasu basu. Wasu kuma, basa kaunar ganin wani ya daukaka idan ba su ba. A bisa wannan dalili, basa iya mika tallafinsu ga masu baiwa da basira.

    3. Rashin goyon baya daga iyaye: wasu yaran sun tashi da kirkire-kirkire tun suna wasan kasa. Sukan kirkiri motan kwali ko ta kara. Yaron da ke da basira akai, zai kasance yana girma amma ba a raba shi da yin ire-iren wadannan sa'i da lokaci. Anan, wasu iyayen  yaran kan kalli faruwan hakan a matsayin kwarewa wajen wasan banza, ba tare da dubi kan madogaran hakan ga shi yaro ba. Daga karshe, iyaye kan sa yaransu a gaba da duka sai idan sun daina. Anan, baiwa da basirarsa ke durkushewa.

    4. Rashin dora yaro akan tubali da ya dace: a wani bangare kuma, koda a ce iyaye sun fahimci irin baiwar da ‘ya’yansu ke dashi, su kan bi ra’ayin zuciyarsu ne kawai. A bin nufi, sukan tilasta ‘ya’yansu wajen karanta abin da basa sha'awa. Dalilin kawai, don dan makwabtasu likitane ko injiniya.

    5. Rashin kayan aiki: Duk yanda yaro ya so ya baiyana baiwarsa da yanda iyaye suka so dansu ya bayyana baiwarsan, ba zai yiwu ba matukar ba kudi ko kayan aiki dake gareshi.

    Ya zama dole shugabanni, iyaye da sauran al’umma su kasance masu tausayi da yin halin yakamata don ci gaban al’umma da kasa baki daya.

    Mai karatu na iya duba: Malamai a cikin kunci akwai abin dubawa da sauransu

Comments

Makalu da Dumi-duminsu

  • Magani da wasu alfanun ganyen Bi-ni-da-zuga (Jatropha Curcas)

    Posted Wed at 8:34 PM

    Alfanun tsiro ko ganye a matsayin abinci ko hanya ta samar da waraka (magani) daga wasu nau’o’in cututtuka ga ɗan Adam daɗɗaɗe abu ne a tarihi. Don haka, kusan kowace al’umma ta tanadar da hanyoyin sarrafa nau’ukan abincinta da kuma samar da kari...

  • Bayanai game da Boyle's Law

    Posted Mon at 7:09 PM

    Boyle’s law yana daya daga cikin laws na gas wanda a makala ta da ta gabata na yi bayani akai. Kamar yadda na fada a baya, a yau kuma zamu je kai tsaye ne don duba daya daga cikin gas laws. Wannan law din shine boyle’s law. Wani lokaci akan kira bo...

  • Abubuwan da dalibanmu ya kamata su sani kafin rubuta JAMB, WAEC da NECO

    Posted Apr 12

    A yau za mu ci gaba ne da tattaunawarmu akan jarabawar JAMB da muka faro a baya. Idan mai karatu na bukatar sanin abinda muka yi a baya zai iya duba inda muka tattauna akan Ire-iren matsalolin da dalibai ke fuskanta game da jarabawar JAMB. Insha Allah za mu ci gab...

  • Hanyoyi biyar (5) da za a bi don rage damuwa (anxiety)

    Posted Apr 10

    Zamu iya cewa duk wani dan adam da Allah ya hallita a doron kasa yana da wani abinda ya ke tsoro. Wannan tsoro kuwa shine akasarin lokaci ke jawo abinnan da ake kira a Turance da anxiety attack (damuwa mai tsanani) ko kuma panic attack. Anxiety ko damuwa mai tsanani wan...

  • Yadda ake hada apple smoothie

    Posted Apr 8

    Assalamu alaikum, barka da sake saduwa a fannin girke girkenmu na Bakandamiya. Harwa yau mai karatu zai iya duba makalunmu da muka gabatar na daruruwan girke-girke a baya. A yau kuma zan koya mana yadda ake hada apple smoothie. Abubuwan hadawa Apple (tufa) Sugar ...

View All