Makalu

Matsalolin jami'an tsaro: Laifin kasa ko na su jami'an?

  • A duniyar ilimi, a duniyar tausayi da duniyar da gwannati tasan makamashin aikinta, jami’an tsaro mutane ne da suka kware kan aikin su, suna da hikima wajen bincike, suna da baiwa da basira wajen kama mai laifi. Bugu da kari, mu’amalarsu da al’ummar kasarsu na taimakawa wajen kau da barna da ta’addanci. Talakawa basa shakka ko fargaban kai kukansu gaban jami’in tsaro komin girman ofishinsa.

    Saidai duk da haka, rayuwa bata yi kasa a gwaiwa ba wajen bayyana gurbatattun jami’an tsaro, wadanda duk lokacin da talaka ya gansu ya sani cewa asara ta zo masa, don talaka na iya zama mai laifi alhali bai ji-ba- bai-gani ba.

    Ire-iren wadannna jami’an tsaro sukan yi:

    • aiki ne don kansu ba don Allah ba
    • su kan yi kamen dare ba don laifi ba, sai don samun cin hanci da rashawa.
    • su kan kama mata ba don sun yi laifi ba, sai don su yi lalata da su.
    • su kan yi gaggawan kai dauki ba don taimako ba, sai don su sati kudi wadan suka mutu.
    • su kan harbe mutun har lahira ba don yayi laifi ba, sai don ya ga mugun aikinsu.
    • su kan tura mutun gidan maza ba don yayi laifi ba, sai don ya nuna masu yasan ‘yancinsa.
    • su kan yi wa mutun sharri ba don yayi laifi ba, sai don ya tsaya akan gaski.

    Babban abin bakin ciki shine, sau da dama gurbatacciyar gwannati kan taka rawar gani wajen faruwan ire-iren wadannan zalunci. Don kuwa gurbatacciyar gwamnati kan yi amfani da miyagun jamai’an tsaro don kau da wadan da bata son gani a doron kasa.

    Akasari irin wadannan gwamnatocin kuwa basa iya biyansu salari akan lokaci don su tagayyarar da jami'an tsaron ko don su yi abinda suke so. Basa samun muhalli da ya kamata. Basa iya fadar matsalarsu sai dai su bi umarni kawai. Idan an masu canjin wurin aiki zuwa wata jaha, ba’a damu da suna da kudin mota ba belle na abinci. Duk kayayyakin aiki - kama daga yuniform zuwa batirin tocinsu - irin wadannan gwamnatoci bata damu su tabbatar sun wadata dasu ba.

    Akwai bukatar gwannatin kasa ta kasance mai duba rayuwar jami’an tsaron kasarta da idon tausayi, basira da rahama. Ta zama mai sauke duk wani hakki dake kanta, domin kuwa, kyawawan aikin jami’an tsaro ne ke sa kasa ta yi bacci da minshari ba tare da fargaba ba.

    Sannan mai karatu na iya karanta: Alamomin shugaba na gari da sauransu.

Comments

MAKALU DA DUMI-DUMIN SU

  • Yawaitar binciken wayar miji: Dacewa ko rashin dacewa?

    Posted Jul 31

    A wannan zamani matsalolin da suke cikin aure musamman anan Arewacin Najeriya abin ba a cewa komai idan muka lura da ire-iren labarai da suke yawo yau da kullum a kafofin sada zumunta, wato social media. Duk lokacin da ka shiga social media idan yau baka ga labarin wata...

  • Takaitaccen bayani game da gravitational field

    Posted Jul 27

    A physics, gravitational field model ne da ake amfani da shi wajan bayanin tasirin da massive body ya ke da shi wajan zuwa sararin samaniya around itself producing a force on another body. Gravitational force of attraction da ke tsakanin body guda biyu ana governing din...

  • Sakamakon bincike game da matsalar shaye-shayen miyagun kwayoyi a Najeriya

    Posted Jul 24

    Matsalar shaye-shayen miyagun gwayoyi matsala ce da kusan kowa da kowa na iya tabbarwa akwai shi a cikin al’umma musamman mu a Najeriya. Idan wani baya sha a gidanku, ko cikin danginku to kuwa lallai ba za a rasa masu yi ba a unguwarku ba. To amma duk da haka a ku...

  • Matsalar shaye-shaye a tsakanin matasanmu a yau

    Posted Jul 6

    A wannan Makala za muyi dubi ne zuw ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a n...

  • Kin yi ta saurare ki ji ya turo manyansa zuwa gidanku amma har yanzu shiru: Ga dalilai

    Posted Jun 29

    Mata mu kan fada cikin yanayi na yaudara cikin sauri ba tare da mun farga ba. Musamman idan namiji ya zo da batun auren ki zan yi, mu kan mika duk wata ragamar rayuwar mu a gare shi, muna masu amanna da mika wuya dari bisa dari.  Sam bama hangen da mi yazo a lokac...

View All