Makalu

Yadda ake kunun tsamiya

  • A yau za mu koyi yadda ake kunun tsamiya a fannin girke girkenmu na Bakandamiya. Kada mai karatu ta manta, za ta iya duba dimbin girke girkenmu da muka koyar a baya. 

    Abubuwan hadawa

    1. Gero
    2. Tsamiya
    3. Sugar
    4. Kayan kamshi
    5. Borkono kadan

    Yadda ake hadawa

    1. Ki dauko geron ki surfa ki bushe ko ki wanke shi sai ki shanya a rana ya bushe sai ki sa masa kayan kamshi da dan barkono ki watsa a ciki.
    2. Sai ki bayar akai miki nika. Da zarar an dawo miki da shi sai ki tankade garinki ki ajiye a gefe.
    3. Dauko tsamiyarki mai kyau ki wanke ta sannan ki sa mata ruwan zafi ki jika na dan wani lokaci. Ajiye a gefe.
    4. Daura tukunya akan wuta ki sa ruwa idan ruwan ya tafasa debo garin kadan a dan wani kwano, ki zuba garin kadan sai ki dubo ruwan zafi ki diga kadan sai ki murza shi har sai ya hade jikinsa.
    5. Sannan kina diban kadan kadan kina mulmulashi kina jefawa a cikin ruwan dake tafasa a kan wutan nan, sai ki barshi nadan wani lokaci.
    6. Daga nan sai ki diba garin kununki yadda zai ishe ki, ki kawo ruwan tsamiyan ki (ki tabbatar kin tace shi) ki zuba a kai ki dama. Idan kin ga ruwan tsamiyan ya yi kadan za ki iya kara ruwa a ciki yadan sake miki shi.
    7. Sai ki dauko tafashashshen ruwanki dake kan wuta (wanda ki ka jefa gaya a ciki) ki juye a kai. A take sai ki juya.
    8. Idan kin ga kaurin bai miki yadda ki ke so ba, za ki iya kara mai da shi cikin tukunya ki rage wuta, ki rika juyawa har sai ya yi miki kaurin da ki ke so.
    9. Sai ki sauke ki zuba a kofi ki sa sugar. A sha lafiya.

    Sannan za a iya duba: Fish and boiled eggs sauce da yadda ake ground beef sauce da sauransu.

Comments

Makalu da Dumi-duminsu

  • Hanyoyi guda biyar na rage ƙiba ba tare da an shiga hatsari ba

    Posted Jun 12

    A duniyarmu ta yau, ƙiba na daya daga cikin matsalolin da ke addabar mutane da dama. Saboda irin ci gaba da aka samu na yawaitar abinci kala-kala – abincin gargajiya da na zamani, na gwangwani da na gona – ya sa da yawa mutane na yawaita cin abincin da zai k...

  • Sharudda da kuma ladubbar sallar idi karama

    Posted Jun 3

    Godiya ta tabbata ga Allah Ubangijin talikai, tsira da amincin Allah su tabbata ga Annabi Muhammad, da iyalansa da Sahabbansa baki daya. Idi shine duk abinda yake dawowa yana maimaituwa lokaci zuwa lokaci, kamar sati-sati, ko wata-wata, ko shekara-shekara. Shar'anta s...

  • Hukunce-hukuncen zakkar fidda kai

    Posted May 31

    Ma'anar zakkar fidda kai: Sadaka ce wacce ake bayar da ita sakamakon kammala azumin watan Ramadan. An shar'anta zakkar ne a shekara ta biyu bayan hijirar Annabi sallallahu alaihi wa sallam daga Makkah zuwa Madinah, a shekarar da aka wajabta azumin watan Ramadan. Huku...

  • Yadda ake hada local jollof rice

    Posted May 30

    Assalamu alaikum barka da saduwa a fannin girke-girkenmu na Bakandamiya. Barka da shan ruwa. Yau zamu koyi yadda ake hada local jollof rice wato dafa dukan shinkafa ke nan da Hausa. Abubuwan hadawa Shinkafa Tattasai da tarugu Daddawa Albasa Seasoning Manja Ta...

  • Yadda ake hada bitter leaf soup

    Posted May 30

    Assalamu alaikum, barka da saduwa a fannin girke-girkenmu na Bakandamiya na yau. Barka da shan ruwa. A yau zamu duba yadda za ki hada bitter leaf soup (miyan shuwaka). Abubuwan hadawa Manja Nama Seasoning Garlic  Ginger Shuwaka (bitter leaf) Tattasai Ta...

View All