Makalu

Yadda ake jollof na shinkafa da wake

  • A fannin girken girkenmu na Bakandamiya, yau za mu koyi yadda ake jollof na shinkafa da wake. Sannan kar a manta, idan mai karatu na bukata zai iya duba daruruwan girke-girke da muka koyar a baya.

    Abubuwan hadawa

    1. Shinkafa
    2. Wake
    3. Kwai (dafaffe ki bare ki yanka kanana)
    4. Tarugu (ki jajjaga)
    5. Albasa (ki yanka)
    6. Tumatur mai kyau mai tauri (ki yanka kanana)
    7. Koren wake
    8. Peas
    9. Kayan kamshi
    10. Maggi

    Yadda ake hadawa

    1. Ki daura tukunya kan wuta ki sa ruwa, ki gyara waken ki, idan ruwanki ya dauko tafasa ki zuba waken ki a ciki ki sa gishiri kadan, sai ki rufe.
    2. Idan ya fara tafasa ya dan yi laushi kadan, wanke shinkafar ki zuba a cikin waken ki rufe nadan wani lokacin har sai sunyi rabin nuna. Sai ki sauke ki kara ruwa ki tace ki tsane shi ki ajiye a gefe.
    3. Wanke tukunyar ki kara maida ta wuta ki sa mai ki yanka albasa ki soya sama sama sai ki kawo tarugunki ki sa a ciki ki juya.
    4. Ki kawo kayan kamshi, da maggi (iya dandanon da zai miki ki sa), sai ki kara ruwa (iya wanda zai karasa mi ki shinkafar ki. Sai ki rufe nadan wani lokacin har sai ya tafaso.
    5. Sai ki kawo shinkafa da waken ki zuba a ciki sannan ki juya a hankali ki ki rufe nadan wani lokacin har sai ruwan ya shanye sai ki kawo su peas, koren wake ki sa ki juya ki rufe sudan turara sai ki sauke ki kawo kwanki da tumatir ki sa ki juya a hankali sai ki zuba a plate.

    Za a iya duba: Yadda ake meat pie da yadda ake couscous jollof da sauransu.

Comments

Makalu da Dumi-duminsu

  • Hanyoyi guda biyar na rage ƙiba ba tare da an shiga hatsari ba

    Posted Jun 12

    A duniyarmu ta yau, ƙiba na daya daga cikin matsalolin da ke addabar mutane da dama. Saboda irin ci gaba da aka samu na yawaitar abinci kala-kala – abincin gargajiya da na zamani, na gwangwani da na gona – ya sa da yawa mutane na yawaita cin abincin da zai k...

  • Sharudda da kuma ladubbar sallar idi karama

    Posted Jun 3

    Godiya ta tabbata ga Allah Ubangijin talikai, tsira da amincin Allah su tabbata ga Annabi Muhammad, da iyalansa da Sahabbansa baki daya. Idi shine duk abinda yake dawowa yana maimaituwa lokaci zuwa lokaci, kamar sati-sati, ko wata-wata, ko shekara-shekara. Shar'anta s...

  • Hukunce-hukuncen zakkar fidda kai

    Posted May 31

    Ma'anar zakkar fidda kai: Sadaka ce wacce ake bayar da ita sakamakon kammala azumin watan Ramadan. An shar'anta zakkar ne a shekara ta biyu bayan hijirar Annabi sallallahu alaihi wa sallam daga Makkah zuwa Madinah, a shekarar da aka wajabta azumin watan Ramadan. Huku...

  • Yadda ake hada local jollof rice

    Posted May 30

    Assalamu alaikum barka da saduwa a fannin girke-girkenmu na Bakandamiya. Barka da shan ruwa. Yau zamu koyi yadda ake hada local jollof rice wato dafa dukan shinkafa ke nan da Hausa. Abubuwan hadawa Shinkafa Tattasai da tarugu Daddawa Albasa Seasoning Manja Ta...

  • Yadda ake hada bitter leaf soup

    Posted May 30

    Assalamu alaikum, barka da saduwa a fannin girke-girkenmu na Bakandamiya na yau. Barka da shan ruwa. A yau zamu duba yadda za ki hada bitter leaf soup (miyan shuwaka). Abubuwan hadawa Manja Nama Seasoning Garlic  Ginger Shuwaka (bitter leaf) Tattasai Ta...

View All