Makalu

Yanda ake gozleme

  • A fannin girken girkenmu na Bakandamiya, yau za mu koyi yadda ake gozleme. Sannan kar a manta, idan mai karatu na bukata zai iya duba daruruwan girke-girke da muka koyar a baya.

    Abubuwan hadawa

    1. Filawa
    2. Yeast
    3. Gishiri kadan
    4. Butter
    5. Ruwa kadan
    6. Tsokan nama ko na tsokan kirjin kaza
    7. Koren tattasai (ki yanka)
    8. Kabeji
    9. Tarugu (ki jajjaga)
    10. Kayan kamshi
    11. Maggi
    12. Karas (ki gyara ki gurza)
    13. Lawashi (ki yanka)

    Yadda ake hadawa

    1. Dauko roba mai dan girma ki kawo filawa ki tankade, gishiri kadan ki sa ki kawo yeast na ki ki sa sai ki kawo ruwa ko ruwan dimi ki sa dan dai dai kisa (kar ki sa ruwa sosai kamar kwabin paratha za ki yi shi ). Ki kwaba ya kwabu sosai sannan ki rufe ki sa a rana ya taso nadan wani lokaci.
    2. Kafin ya taso sai ki hada abin sawa a ciki. Daura kasko akan wuta ki sa mai kadan ki kawo albasa da tarugu ki sa ki soya sama sama sai ki kawo tsokar kazar ki ki sa ki sa ruwa kadan ki juya ki kawo kayan kamshi da maggi, da gishiri kadan ki sa ki juya sannan ki rufe nadan wani lokaci har sai ruwan ya shanye (ruwan kadan za ki yayyafa akai fa badayawa ba) sannan ki kawo karas na ki da koren tattasai, da kabeji shima ki sa ki rufe ki barsu, su turara sai ki sauke. Ajiye a gefe.
    3. Dauko kwabin filawanki ki na diban kadan kadan kina fadada shi sosai har sai ya yi fale-fale sai ki kawo marfin kwano ko wani abu mai round baki sai ki kifa akan filawa ki fidda shape na sa ya baki round sannan ki kawo hadin kazar ki ki sa a tsakiya sai ki shafa ruwa a baki bakin sai ki dauko dayan gefen ki rufa akai ki danna da karshen (edges) da hannun ki a hankali haka za ki yi har sai kin gama da sauran filawa da hadin kazar ki. Ajiye a gefe.
    4. Daura nan stick pan akan wuta (wutan ba sosai ba) kina gasawa kina juyawa har sai ya gasu baki daya sai ki sauke ki shafa masa butter ajiki. Ajiye a gefe har sai kin gama da sauran. A ci dadi lafiya.

    Sannan za a iya dubaYadda ake local jollof rice da yadda ake chinese spaghetti da sauransu.

Comments

MAKALU DA DUMI-DUMIN SU

  • Dalilan da ka iya sawa a koma vegan diet

    Posted Sep 2

    A ‘yan shekaru kadan da suka wuce, kafar yada labarai ta kasar Amurka mai suna USA Today ta ruwaito cewa kashi 50% na mutanen kasar Amurka suna ta kokarin su ga sun inganta lafiyarsu ta hanyar kokarin ganin sun rage yadda su ke cin nama da yawa a ciki abincinsu. A...

  • Physics: Darasi akan pressure in fluid

    Posted Aug 29

    Ga definition na pressure a Turance kamar haka; pressure is defined as the force acting perpendicularly per unit area. Idan kuma za a duba equation na shi ne a math, shi kuma ga shi kamar haka: Pressure = Force / Area , shi ne kamar haka,  P = F / A Ga abinda ...

  • Matsalar shaye-shaye a tsakanin matasanmu a yau

    Posted Aug 25

    A wannan Makala za muyi dubi ne zuwa ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a ...

  • Wa ya gaya mi ki cewa yana son ki har cikin zuciyarsa? Ki lura da wadannan alamomi

    Posted Aug 24

    Abu ne mai matuƙar ciwo mace ta fahimci cewa namijin da take so, baya sonta. Baya son kasancewa da ita a rayuwarsa.  Abun takaici irin wadannan mazajen basa iya fadar cewa ba sa son mace a baki, bare har ta san inda dare ya yi ma ta. Sai ya zamo ke a zuciyar ki ki...

  • Maɗigo da yawaitarsa cikin al’umma: Ina mafita?

    Posted Aug 20

    Tasowarmu muna kanana cikin alumma mun ga iyayenmu da sauran magabata suna da aure. Kowa da mahaifinsa da mahaifiyarsa. Hakanan kuma yayin da muke rayuwa mun ga ‘yan mata da samari daban-daban sun taso kuma mun ga sun yi aure. Kuma sannan sa’i da lokaci mutu...

View All