Makalu

Tarihin hukumar JAMB da wasu muhimman bayanai game da jarabawar

  • Wannan hukuma ta Joint Admissions and Matriculation Board (JAMB) cibiya ce ta shirya jarabawar share fagen shiga jami’a tare da sauran cibiyoyin karatu, kamar irinsu polytechnics da colleges a duk fadin Najeriya. Kuma mutum zai samu damar yin jarabawar ne matukar dai ya kammala karatunsa na sakandare.

    Shiga Jami’a kafin a kirkiri hukumar JAMB da yadda aka kirkiro hukumar

    Kafin a kirkiri hukumar JAMB, Najeriya tana da jami’o’i ne guda shida zuwa bakwai a shekarar 1974 kenan. Kowace jami’a daga cikinsu tana shirya jarabawarta ne kuma ta dauki adadin daliban da suka yi nasarar cin jarabawar. Ana cikin hakan karkashin jagorancin mulkin Chief Olusegun Obasanjo, a shekarar, sai ya kara kirkirar wasu jami’o’i guda shida (6), sannan sai gwamnatin ta kafa wani kwamiti da zai rika kula da jarabawar ta shiga jami’a karkashin shugabancin Mr. M. S. Angulu.

    Bayan haka, sai wannan kwamitin ya bada shawarar da a kafa wasu hukumomi guda biyu, wato; Central Admission Board da kuma Joint Matriculation Board. Gwamnatin mulkin soja na waccan lokacin ta amshi shawarwarin da kwamitin ya bata inda ta kirkiri Joint Admissions and Matriculation Board. Daga nan sai aka kafa hukumar a shekarar 1978, 13th February a karkashin dokar kundin tsarin mulkin soja ta Nigeria shekarar 1978. (Decree No. 2 of the Federal Military Government of Nigeria).

    Dubi wata makalarTsarin yanki da ganga (phrase and clause structure) a Hausa

    Daga nan, sai a shekarar 1988 watan August aka yi gyara a kundin tsarin mulkin sojan No. 2 decree, inda aka basu iko da damar shirya jarabawar shiga makarantun polytechnics da colleges of education a duk fadin Najeriya. Shi wannan gyaran wato amendments a Turance da aka yi, a wancan lokacin aka tsara shi aka rubuta shi cikin kundin tsarin mulki na soja (Decree No. 33 of 1989, of the Federal Military Government).

    To ko ya ya ake yin jarabawar ta JAMB?

    A da anayin jarabawar ta JAMB ne da takarda da pencil wato abinda aka fi sani da Paper and Pencil. Amma a shekarar 2012 Registrar na hukumar JAMB din a wancan lokacin ya bada sanarwar cewa yanzu jarabawar za ta kasance ne ta dayan hanyoyi uku:

    1. Paper and Pencil Testing (PPT): Inda za a yi jarabawar da takarda da pencil.
    2. Dual Based Test (DBT): Inda za a kawo tambayoyin a kwamfyuta amma sai a amsa su a takarda.
    3. Computer Based Test (CBT): Shi kuma anan da tambayoyin da kuma amsoshin duka zai zama ne a cikin komfyuta din.

    Hakan ya faru ne sakamakon wasu da dama daga cikin dalibai suna rasa sakamakon jarabawar ta su saboda bacewar takardar da suka amsa jarabawar.

    Hakanan wannan jarabawa ana yin ta ne sau daya a shekara inda a kowace shekara ake samun kimanin dalibai miliyan daya da suke zaunawa jarabawar. Kuma jarabawar tana da darasi hudu ne, darussan sune; English Language wanda dole ne sai kowanne dalibi ya yi shi, sai kuma sauran darasi uku da suke da alaka da kwas (Course) din da mutum ke son karantawa a jami’ar.

    Sannan jarabawar tana dauke ne da tambayoyi guda dari biyu da hamsin ne (250), inda English ya ke da tambaya 100, sauran darusa ukun kuma suna da hamsin hamsin (50). Amma a shekarar 2017 an rage yawan tambayoyin inda aka dawo da su 180, English na da 60, sauran darusan kuma 40 ko wane.

    Haka zalika kuma jarabawar a shekarun baya tana da lokaci ne daya kai tsawon awa uku da minti goma (3 hours, 10 minutes). Yanzu shi ma an rage inda aka mayar da shi awa biyu kacal (2 hours). Sai dai adadin maki din jarabawar yananan yadda yake bai canja ba, wato maki 400.

    To maki nawa ake so mutum ya samu don cin wannan jarabawa na JAMB?

    Abinda kowa ya sani game da mafi karancin makin JAMB shine 180. Amma a kwai canje-canje da aka yi ta samu a shekarun da suka gabata. A shekarar 2007 mafi karancin makin din 160 ne, a shekarar 2008 kuma aka kara shi ya zama 170, kana kuma a shekarar 2009 aka mayar da shi 180, sai a 2017 aka dawo da shi 120 a shekarar 2018 kuma aka mayar da shi 140. Amma a wannan shekarar ta 2019 ba mu san nawa ne za su ce ba, sakamakon sai hukumar ta JAMB ta zauna da duka wakilan Jami'o'i da kwalejoji da sauran su dan tattaunawa akan abinda ya kamata a saka. Hakan kuma yana zuwa ne bayan an gama jarrabawar ta JAMB.

    Za a iya dubaPhysics: Misalan lissafin vector

    Wani abin lura anan: Ku sani kowace university tana da adadin maki din da take so, ya danganta ne da irin kwas din da mutum ke so ya karanta. Ba lallai ne dan ka ci maki 180, ko 140 ba ka samu admission.

    Ya ya zan yi in shiga jami’a ta hanyar JAMB?

    Wannan abu ne mai sauki, kawai abinda za ka yi shine ka je ka bude profile a shafin yanar gizo na JAMB (ku duba adireshin shafin a karshen wannan makala), daga nan sai ka je banki ka biya kudi, su kuma bankin za su baka wata lamba da ake ce ma e-pin, to idan suka baka sai ka je daya daga cikin ofishin hukumar ta JAMB don yin rajista ko kuma ka je daya daga cikin cibiyoyin (centers) din da hukumar ta basu lasisin yin jarabawar. Kar ka manta, idan za ka tafi sai ka je da O' level dinka (WAEC/NECO/Nbais/NABTEB).

    Sannan ka tabbata ka ci darasin English da ilimin lissafi (Mathematics) kuma ka tabbata ka ci darasin da ya ke da alaka da kwas din da ka ke so ka karanta a jami’ar, domin wannan dole ne kafin jami’a su dauke mutum. 

    To daganan idan lokacin jarabawar ya yi za su sanar da ku. Ka shirya sosai don tabbatar da ka ci maki da bai gaza wanda ake bukata ba a kwas din da kake son karantawa. To idan ka yi nasarar cin jarabawar, jami’ar da ka nema za ta baka admission inda zaka fara daga aji daya (Level 100/Level 1/ UG 1) to shikenan ka shiga jami’a!

    Sannan za ka yi shekara hudu a jami’ar idan kwas din mai shekara hudu ne, ko kuma biyar idan mai shekara biyar ne.

    Kuna iya karanta makala ta gaba don ganin ire-iren matsalolin da dalibai ke fuskanta wajen rubuta jarabawar JAMB.

    References

    • Prof. ‘Dibu Ojerinde (Registrar/CE/JAMB), Abuja, Nigeria: Using assessment for the improvement of tertiary education in Nigeria: The Joint Admissions and Matriculation Board (JAMB)
    • Joint Admissions and Matriculation Board Act
    • www.jamb.gov.ng
    • Sahara Reporters (Sep. 25, 2008) JAMB 2019/2020

    Wannan rubutu ya zo muku ne daga, kungiyar Arewa Students Orientation Forum (ASOF). ASOF kungiyar ce mai wayar da kan dalibai akan dukkan al'amuran da suka shafi karatunsu.

Comments

MAKALU DA DUMI-DUMIN SU

  • Maɗigo da yawaitarsa cikin al’umma: Ina mafita?

    Posted Tue at 10:07 AM

    Tasowarmu muna kanana cikin alumma mun ga iyayenmu da sauran magabata suna da aure. Kowa da mahaifinsa da mahaifiyarsa. Hakanan kuma yayin da muke rayuwa mun ga ‘yan mata da samari daban-daban sun taso kuma mun ga sun yi aure. Kuma sannan sa’i da lokaci mutu...

  • Yawaitar binciken wayar miji: Dacewa ko rashin dacewa?

    Posted Jul 31

    A wannan zamani matsalolin da suke cikin aure musamman anan Arewacin Najeriya abin ba a cewa komai idan muka lura da ire-iren labarai da suke yawo yau da kullum a kafofin sada zumunta, wato social media. Duk lokacin da ka shiga social media idan yau baka ga labarin wata...

  • Takaitaccen bayani game da gravitational field

    Posted Jul 27

    A physics, gravitational field model ne da ake amfani da shi wajan bayanin tasirin da massive body ya ke da shi wajan zuwa sararin samaniya around itself producing a force on another body. Gravitational force of attraction da ke tsakanin body guda biyu ana governing din...

  • Sakamakon bincike game da matsalar shaye-shayen miyagun kwayoyi a Najeriya

    Posted Jul 24

    Matsalar shaye-shayen miyagun gwayoyi matsala ce da kusan kowa da kowa na iya tabbarwa akwai shi a cikin al’umma musamman mu a Najeriya. Idan wani baya sha a gidanku, ko cikin danginku to kuwa lallai ba za a rasa masu yi ba a unguwarku ba. To amma duk da haka a ku...

  • Matsalar shaye-shaye a tsakanin matasanmu a yau

    Posted Jul 6

    A wannan Makala za muyi dubi ne zuw ga wani maudu’i mai muhimmanincin gaske. Za mu duba matsalar shaye-shaye da ya zama tamkar ruwan dare gama duniya a tsakanin matasanmu maza har da mata a wannan zamani. Duk da cewa wannan mummunar dabi’a ba dabi’a n...

View All