Makalu

Tarihin da gudummawar Noam Chomsky a fagen harshe

  • Noam Chomsky na daga cikin manya-manyan masana da wannan karni ko kuma wadanda duniya ke ikirari da su a halin yanzu. Makalarmu ta yau zata yi nazari ne bisa tarihinsa da kuma ire-iren ayyukan da ya gudanar kana har yanzu yake gudanarwa a fanninsa na ilmin harshe, wato linguistics

    An haifi Noam Chomsky a ranar 7/12/1928 a garin Pennsylvania na ƙasar Amurka. Ya yi karatun digiri na ɗaya B.A da na biyu M.A da na uku Ph.D a Jami’ar Pennsylvania na Amurka bai jima da fara aiki ba ya zama shaharraren Masani a ɓangaren harshe wanda shahararsa ce ta sa ake masa laƙabi da ‘Uban masana na ɓangaren harshe na zamani’ sannan kuma shi jigo ne a fagen Falsafa wanda ya sadauƙar da duk lokutansa wajen neman ilmi. Hakan ta sa ya wallafa littattafai da adadinsu ya kai ɗari (100) wanda hakan ya sa aka ba shi lambar yabo tare da bayyana shi a matsyin jigo a ɓangaren al’ada, kuma an zaɓe shi a sahun gaba cikin masana masu wallafe-wallafe a 2005.

    Gudummawar Noam Chomsky a fagen harshe 

    Kasancewar Chomsky masani ne a fagen harshe, kuma idan aka yi la’akari da irin tarihin rayuwarsa kama daga karatunsa zuwa rubuce-rubucensa za a fahinci cewa akwai gudummawar da ya ba da daman gaske ga al’umma musamman a ɓangaren harshe waɗandaba za iya kididdige adadinsu ba amma an binciko wasu daga cikin irin gudummawar da ya ba da kamar haka:

    1. Ya fito da matakin ma’ana iri biyu (zurfafa abin da aka faɗa da kuma na farfajiya) wato “deep structure and surface structure” shi deep structure na nuni da abin da yake cikin zuciyar kowane mai amfani da harshe, sannan surface structure kuma ya shafi yadda sadarwa take gudana.
    2. Ya kuma nuna Banbanci da ke akwai tsakanin competence da performance wato (iyawa) da (aiwatarwa) ya ce competence (iyawa) na nufin muhimmin ilmi a harshe, shi kuma performance (yi/aiwatarwa) na nufin ainihin yadda harshe ke amfani a zahiri.
    3. Shi ya ƙirƙiro da hanyar sabunta Nahawu wato (Transformation Generative Grammar) wanda a ka mayar zuwa Transformational Analysis ma’ana tsarin sabuntawa wanda ke bayyana tsarin jimla a harshe.
    4. Ya taimaka wajen fito da hanyar nazari da warware jimla a harshe da ake wa take da “Syntactic Analysis” daga cikin Government and Binding Theory Ya sake fito da ra’ayinsa na karyata cewa mutum na samun harshe ne ta kwaikwayo, a wurinsa abin da ya bayyana a fili wajen samun harshe wani abu ne da ya fi matsayin kwaikwayo.
    5. Ya yi aiki a ɓangaren ilmin tsarin sauti da kuma ilmin sautin harshe wanda aka wa rajista cikin kundin ilmin sautin harshe.

    Ayyuka da Noam Chomsky ya gudanar a fannin ilmin harshe har ma da sauran fannoni irin su siyasa baza su tattaunu a wannan yar karamar makala tawa ba, don haka zan dakata anan, kuma in Allah Ya so zan kawo muku cigaban wannan aiki a wata makalar.

    Sai dai kuna iya karanta wasu makalu irin wadannan da suka rigaya suka gabata game da tarihi da gudummawar masana harshe, misali, tarihin Kenneth Lee Pike wanda shima masanin harshe ne da kuma tarihin Leonard Bloomfield har ma da Ferdinand de Saussure. Akwai yan mazhabar Prague suma sun bada gudummawa mai yawa a fagen ilmin harshe.

Comments

Makalu da Dumi-duminsu

  • Alamomi goma dake nuna cewa soyayya ta kare tsakanin ki da shi

    Posted Jun 22

    Akwai bambanci tsakanin namiji na sonki da kuma bai sonki, wanda zai nuna hakan a aikace, a baki da kuma yanayin mu'amalar ki da shi.  Da yawan mata za su fara tunanin ko nayi wani laifi ne? Miye dalilin canzawar shi? Mi ya kamata na yi wajen kara karkato da hanka...

  • Physics: Darasi game da general gas law

    Posted Jun 18

    A makala ta da ta gabata wadda na fara bayani dangane da Gas Law mun koyi mene ne gas law, sannan kuma mun ga yadda ake siffanta gas tare da abubuwa guda uku wato, da volume, da temperature da kuma pressure. Daganan na yi rubutu akan laws din gas guda uku wanda kow...

  • Hanyoyi guda biyar na rage ƙiba ba tare da an shiga hatsari ba

    Posted Jun 12

    A duniyarmu ta yau, ƙiba na daya daga cikin matsalolin da ke addabar mutane da dama. Saboda irin ci gaba da aka samu na yawaitar abinci kala-kala – abincin gargajiya da na zamani, na gwangwani da na gona – ya sa da yawa mutane na yawaita cin abincin da zai k...

  • Sharudda da kuma ladubbar sallar idi karama

    Posted Jun 3

    Godiya ta tabbata ga Allah Ubangijin talikai, tsira da amincin Allah su tabbata ga Annabi Muhammad, da iyalansa da Sahabbansa baki daya. Idi shine duk abinda yake dawowa yana maimaituwa lokaci zuwa lokaci, kamar sati-sati, ko wata-wata, ko shekara-shekara. Shar'anta s...

  • Hukunce-hukuncen zakkar fidda kai

    Posted May 31

    Ma'anar zakkar fidda kai: Sadaka ce wacce ake bayar da ita sakamakon kammala azumin watan Ramadan. An shar'anta zakkar ne a shekara ta biyu bayan hijirar Annabi sallallahu alaihi wa sallam daga Makkah zuwa Madinah, a shekarar da aka wajabta azumin watan Ramadan. Huku...

View All